بقالي فتره عامله زي قالب التلج جامد جامد مبيتاثرش ..مش فارقه حاجه معايا اي حاجه ...ماشيه بتطوح يمين وشمال بعافر وقلبي جامد..مش خايفه ..
سبحان الله ييجي الوقت الي بدا قالب التلج يدوب ...بس بيدوب بشراهه مش مستحمل اي حاجه ..مستمر في الدوبان بيتلكك زي ما انا حاسه ...بيتخبط يمين وشمال ..كان ربنا من حكمته ان مفيش حال بيدوم...والانسان شبه الفصول من عز الصيف لعز الشتا
حاسه اني عايزه اسافر حتى من نفسي ...لاني مش مستحملاها هي نفسها ...دموعي الي كانت نشفت بقت بتنزل من غير سبب احيانا
مش عارفه ايه الي اتغير جوايا ...بس لاقيتني بضعف .....يا رب سترك ...قويني بيك
الفصل دا شديد عليا ..
