من اصعب الامور
ان الامل يبقى السبيل الوحيد
ساعتها
مبيتبقاش الا الانتظار
طب انتظار ايه ؟؟او لامتى ؟؟
بردو عليك الانتظار
والاصعب
اننا نبقى متوقعين النتيجه
بس مغمضين
او يمكن خايفيين
ولما حد يسال ...هو فيه ايه ؟
تظهر البسمه الكدابه والكلمه الخداعه
كله تمام
مش عارفه دا هروب ولا كبرياء
ولا يمكن غباء
بس اللي انا عارفاه
ان كلنا بنعمل كده وكتير اوي
بنفضل ننتظر ونضحك على نفسنا
ان بكره احلى
ولما ييجي بكره
زي امبارح
زي امبارح
نستهبل تاني
ونقول بعده احلى
لحد لما ييجي الالم اللي يفوق
ونكتشف ان اللحظات الجميله واللي مبتكررش نادره جدا وقليله اوي
وان اغلب اياما شبه بعضها
ساعتها اكتشفت
ان اسهل حاجه انك تنتظر
هييجي السؤال لامتى وليه ؟؟
يمكن بكره احلى
او بعده
هههه يمكن ..انا عن نفسي هنتظر
النهارده في حاجه حلوه
ردحذفعلى الاقل قادرين نضحك حتى لو بالكدب
بس مفقدناش القدره على الابتسامه
يمكن
يمكن كمان بكره نضحك
بس من قلبنا
:)
عارفه يا شوشو نفسي تحصل حاجه تخليني اضحك من قلبي لحد ما دموعي تنزل .....يا رب يا حبي بكره يبقى احلى (:
ردحذف